बुबाको भाग घुस लिन जाने वडा सदस्यको छोरा अख्तियारको फन्दामा

प्रदेश २ प्रमुख प्रशासन स्थानीय तह

विकास निर्माणको काममा बुवाले मागेको कमिसन रकम लिन आएका वडा सदस्यका छोरा पक्राउ परेका छन्।

पक्राउ पर्नेमा महोत्तरीको भंगहा नगरपालिका वडा नम्बर ८ का वडा सदस्य कारी साहका छोरा मुकेश साह रहेका छन् । जनप्रतिनिधिका छोरालाई अख्तियार दुरुपयोग अनुसन्धान आयोग वर्दिवासको टोलीले जनकपुरधाममा घुससहित रङ्गेहात पक्राउ गरेको छ ।

सो वडाका वडा सदस्य कारी साहले आफ्नो छोरामार्फत डेढ लाख भन्दा बढी रकम उपभोक्ता समितिमार्फत कुम्ल्याउन खोजेपछी अख्तियार दुरुपयोग अनुसन्धान आयोग बर्दिवासको टोलीले रङ्गेहात उनलाई नियन्त्रणमा लिएको हो ।

अख्तियारको टोलीले भंगहा नपा वडा नम्बर ८ मा भैरहेको पिसिसी सडक ढलानको लागि छुट्याइएको करिब २० लाख रुपैयाँमध्ये वडा सदस्य साहका छोरा मुकेशले १ लाख ६० हजार रुपैया हिनामिना गरेको पाइएपछि सो रकमसहित उनलाई नियनत्रणमा लिइएको हो ।

जनकपुरको पिडारी चोकस्थित राष्ट्रिय वाणिज्य बैंकको गेटबाटै मुकेशलाई नियन्त्रणमा लिइएको हो। सो रकम वाडध्यक्ष रफिक आलम र वडा सदस्य कारी साहले आन्तरिक सहमति गरी मुकेशलाई लिन पठाएको बुझिएको छ।

Leave a Reply

Your email address will not be published. Required fields are marked *