काठमाडौं। बबरमहलमा आज बिहानै कार दुर्घटना हुँदा तीन जना घाइते भएका छन्। घाइते हुनेमा कार चालक भक्तपुर कमलविनायकका २५ वर्षीय विकास बुढाथोकी, कारमा सवार सोही ठाँउका २७ वर्षीय जिनी चौरसीया र रामेछाप घर भई हाल कमलविनायक बस्ने २१ वर्षीय जीवन गिरी रहेका छन्।
घाइते तीन जनाकै सिभिल अस्पताल बानेश्वरमा उपचार भइरहेको छ। घाइतेमध्ये गिरीको अवस्था गम्भीर रहेको छ।
आज बिहानै पौने ३ बजे बा२च ८५३३ नम्बरको कार आफैँ अनियन्त्रित भई सडकमा पल्टिएको प्रहरी वृत्त सिंहदरबारले जानकारी दिएको छ।
