काठमाडौं । सुदूरपश्चिम प्रदेशको विभिन्न जिल्लाका स्वास्थ्यचौकीमा ज्योति विकास बैंकले बेबी वार्मर मेसिन (न्यानो नानी) वितरण गरेको छ ।
बैंकको पहलमा बझाङ जिल्लाको मष्टा गाउँपालिका–२ स्थित मष्टा स्वास्थ्यचौकी र खप्तडछान्ना गाउँपालिका–५ स्थित कालुखेती स्वास्थ्यचौकीमा बेबी वार्मर जडान गरिएको हो । नवजात शिशुको शारीरिक तापक्रम उचित राख्न र हाइपोथर्मिया (अल्पताप) हुनबाट जोगाउन सहयोग गर्नेे बेबी वार्मर मेसिन वितरण गरेको गरेको हो ।
साथै, बाजुरा जिल्लाको त्रिवेणी नगरपालिका वडा नम्बर ३ स्थित पुर्भुता आधारभूत स्वास्थ्य सेवा केन्द्र र अछाम जिल्लाको रामारोशन गाउँपालिका–६ स्थित भाटाकाटियाँ स्वास्थ्यचौकीमा बेबी वार्मर जडान गरिएको बैंकले जनकरी दिएको छ । बैंकले आफ्नो शाखा नभएका स्थानहरूमा समेत स्वास्थ्य उपकरण उपलब्ध गराउँदै आएको जनाएको छ ।
