अनन्त गुरुङ
२०८२ साल चैत्र११ गते बुधवारको तामाकोशी सन्देश राष्ट्रिय सपताहिकमा प्रकाशित)
नेपाली जनताले आफ्नो परिवर्तनको चाहानालाई पुरा गर्नको निमिक्त राष्ट्रिय स्वतंत्र पार्टीलाई भोट मात्र नहाली लगभग २र३ बहुमत दिएकाछन । चुनाव जितेकै हुनाले राष्ट्रिय स्वतंत्र पार्टी माथि नेपाली जनताको भावना र चाहानालाई पुरा गर्नै पर्ने ठुलो जिम्मेवारी प्राप्त भएकोछ । पुराना दलहरु एमाले, नेपाली काँग्रेस र माओवादीको कुशासनले गर्दा नेपालमा भ्रष्टाचार र अपराधले सबै हद पार गरीसकेको बेलामा चुनाव जितेर सत्तामा आएको राष्ट्रिय स्वतंत्र पार्टीलाई सुशासन गरी देखाउने ठुलो चुनौती आईपरेकोछ । पुराना दलहरु एमाले, नेपाली काँग्रेस र माओवादी दलहरुले तालमेल गरी पालैपालो ३५ बर्ष सम्म नेपालको राजकिय सत्ता निरन्तर चलाउन पाएका थिए । दलहरुले नेपालको सत्ता चलाएको यो अवधिलाई राजनीतिक स्थिरताको दृष्टिकोणले धेरै नै अस्थिर अवधि मानिन्छ ।
यो ३५ बर्षको अवधिमा ३० सौं पटक प्रधानमंत्री बदलिएकाछन । कसैले पनि तोकिएको कार्यकाल पुरा गर्न सकेन भने १ देखि २ बर्ष भित्रको अवधिमा नै दलहरुले मिलीजुली बनाएका नेपाल सरकारहरुको अदलीबदली हुँदै आएका थिए । दलहरुबाट बनेको कुनै पनि नेपाल सरकारले सुशासन कायम गरी नेपाली जनताको भरोषा जित्न कहिले पनि सफल हुन सकेनन् । चरम भ्रष्टाचार र अपराधले आकास नै छोयो भने त्यसको लागि अस्थिर र कमजोर नेपाल सरकारले कसैलाई पनि जबाफदेही बनाउन सकेन । घरजग्गाको दलाली, बिदेशी परियोजनाहरुको दलाली, सुन तस्करी, मानव तस्कारी र बलात्कार जस्ता जघण्य फौजदारी अपराधहरुलाई सत्ताको साझेदार दलहरुले संरक्षण गर्नको साथसाथ बढवा दिए । फलस्वरुप नेपालमा अराजकता छायो र स्वतंत्र कानुनी राज पनि सामाप्त भएर गयो । प्रहरी प्रशासन अड्डा अदालतको व्यापक दलियकरण सत्तामा बसेका दलहरुले थालेको हुँदा नेपालको लोकतंत्र कमजोर भएर गयो र त्यसको ठाउँमा दलतंत्र र नेतातंत्र बलियो हुँदै गयो । सामान्य सरकारी सेवा लिन पनि आम नेपाली जनताको लागि कठिन बन्दै गयो भने घुस खुवाउन पनि नसक्ने र पावर पनि लगाउन नसक्ने आम नेपाली जनताले सरकारी सेवा पाउन नै बन्द भयो ।
नेपाली जनताको गाँस, बास र कपासलाई पुराना दलहरुले नाफाखोर व्यापारीहरु र व्यावसायीहरुको लागि अत्याधिक नाफा कमाउने व्यापार र व्यवसाय तुल्याई दिए । त्यसै गरी मानव जीवन धान्न रअगाडि बढाउन नभईनहुने आधारभूत बिषय वस्तुहरु जस्तो स्वास्थ्य, शिक्षा, रोजगारी र खानेपानीलाई पनि पुराना दलहरुले नाफाखोर व्यापारीहरु र व्यवसायीहरुको लागि अत्याधिक नाफा कमाउने व्यापार व्यवसाय नै बनाई दिए । अति भए पछि नेपाली जनताको धर्यताको बाँध फुट्यो र नेपाली जनता नाफाखोर व्यापारीहरु र व्यवासयीहरु जस्ता स्वार्थ समूहलाई पोष्णे पुराना दलहरु र तिनका नेताहरु बिरुद्ध नै खनिए । पुराना दलका नेताहरु खास गरी तत्कालिन ओली(देउवा सरकारले नेपाली जनताको बिद्रोहलाई रोक्न षडयंत्र गरेका थिए तर सफल भएनन् । जेन जेडका ७७ बालकहरुले आफ्नो वलीदान चढाएर नेपाली जनताको लागि पुराना दलहरुको दासत्व देखि मूक्ती दिलाएर नै छाडे । पुरानो दलहरुले जस्तो कसैको हत्या नगरी शान्तिपूर्ण तरिकाले चुनावको माध्यमबाट नै नेपाली जनताले पुरानो दलहरुको सिकञ्जाबाट आफैलाई मूक्त बनाई छाडेका छन ।
आगामि दिनहरुमा नेपाली जनताको ठुलो वलीदानबाट प्राप्त शान्तिपूर्ण परिवार्तनलाई स्थायी बनाउँदै जानु पर्ने हुन्छ । त्यसको लागि नेपाली जनताले राष्ट्रिय स्वातंत्र पार्टीको नेता रबि र बालेनलाई जिम्मेवारी दिएकाछन । राष्ट्रिय स्वतंत्र पार्टीका शीर्ष नेताहरु रबि र बालेनले पुराना दलहरु र तिनका शीर्ष नेताहरुले गरेको जस्तो गल्तीहरुलाई नदोहर्याई नेपाली जनताले चाहेको र मागेको राजनीतिक व्यवस्था नै परिवर्तन गर्ने चाहानालाई शान्तिपूर्ण तरिका र संबैधानिक बाटो नै अपनाएर पुरा गर्नेछन भन्ने पूर्णबिश्वास नेपाली जनतालाई छ । यतिबेला पुराना दलहरु पनि हातमा दही जमाएर बसेको नहुँदा तिनीहरुबाट हुनसक्ने षडतंत्र प्रति सजग हुँदै नयाँ दलहरुले नेपाली जनताको परिवर्तनको भावना र चाहानालाई मूर्तरुप दिनु पर्ने हुन्छ । पुराना दलका शीर्ष नेताहरु र अन्य नेताहरुले जस्तो मुखमा राम राम वगली छुरा बोकी नेपाली जनताको पिठमा वार गर्ने गल्तीलाई कहिले पनि दोहर्याउनवा दोहरिन दिनु हुँदैन । नेपाली जनताले चाहेको परिवर्तन भने नेपाल राष्ट्रको विद्यमान अवस्थालाई बदल्नको निमिक्त पुराना दलहरुले अहिले सम्म नेपालमा संसार कै उत्कृष्ट भनी चलाउँदै आएको राजनीतिक व्यावस्थालाई बदल्नु नै हो । नयाँ दलहरुले खासगरी राष्ट्रिय स्वतंत्र पार्टीको शीर्ष नेता रबि र बालेनले नेपालको संबिधान २०७२ मा व्यापक संसोधन गरी पुरा गर्नेमा नेपाली जनता विश्वास्थ छन । त्यसको लागि आवश्यक बहुमत नेपाली जनताले राष्ट्रिय स्वतंत्र पार्टीलाईचुनाव जिताएर दिईसकेकाछन ।
अब भकुण्डो नेपाली जनताको कोर्टबाट नयाँ दलहरुको कोर्टमा पुगीसकेको हुँदा त्यसलाई कसरी परिणाममूखि बनाउने भन्ने खेल अगाडि बढाउने जिम्मा नयाँ दलहरु कै हातमा पुगेकोछ । सत्ता पाएको मादमा मौरी झै महमा नै लटपटिए मर्ने कि नेपाली जनताको भावना र चाहानालाई त्यागी बनेर पुरा गर्ने भन्ने जिम्मा नयाँ दलहरुलाई नै छ । बिगतमा पुराना दलहरुले गरेको जस्तो गल्तीहरुलाई दोहर्याई बस्ने छुट नयाँ दलहरुलाई छैन । साथै प्राप्त अवसर र समयलाई खेर फालेर पुराना दलहरुका नेताहरुले जस्तो भ्रष्टाचार र अपराध गर्दै आआफ्नो कुशासनलाई चलाएर बस्ने छुट पनि नयाँ दलहरुलाई छैन । पुरानो दलका शीर्ष नेताहरु र अन्य नेताहरुले रबि र बालेनलाई जेजस्तो आरोपहरु लगाएपनि, गालीगलोच गरेपनि, झुटा मुद्दाहरु लगाएको भएपनि नेपाली जनताको नजरमा उहाँहरु महानायक नै छन र उहाँहरुले नेपाली जनताको भावना र चाहानालाई पुरा गर्न कुनै कसर बाँकी राख्ने छैन भन्ने बिश्वास गरेकाछन । पुराना दलहरु र तिनका शीर्ष नेताहरुले बिगतमा गरेका राजनीतिक भुलहरुलाई सुधार गर्दै लाने र अगाडि बढ्ने जिम्मा शीर्ष नेता रबि र बालेनको हातमा नेपाली जनताले दिएकाछन ।
सबै भन्दा महत्वपूर्ण कुरा के छ भने उहाँहरुले पुरानो दलहरु जस्तो बिदेशीको जालझेल र प्रभावमा नपरी नेपाल राष्ट्र र नेपाली जनताको हित अनुसार र हित हेरी काम गर्नु पर्ने हुन्छ । बिदेशीको ऋण,अनुदान र अन्य आर्थिक सहायताको लोभमा परी पुराना दलहरुले गरेको जस्तो नेपाल राष्ट्र र नेपाली जनता कै अहित हुने काम कदापि गर्नु हुँदैन । त्यस्तो छुट नेपाली जनताले नयाँ दलहरुका शीर्ष नेताहरुलाई दिएको पनि छैन । पुरानो दलहरुको ठुलो भुल भनेको नेपालको इतिहास, धर्म र संस्कारको कदर नगर्नु नै हो । आन्दोलनको मुद्दा नै नभएको बिषय राजतंत्र र वैदिक सनातनी हिन्दूधर्मलाई नेपालको संविधान २०७२ बाट हटाउनु पुरानो दलहरुको सबै भन्दा ठुलो भुल हो । त्यो भन्दा पनि ठुलो भुल पुराना दलहरुले नेपाल राष्ट्र र नेपाली जनताको भावना र चाहानाको बिरुद्ध गएर नेपाल राष्ट्र र नेपाली जनताको ईसाइकरण गर्ने कार्यमा बिदेशीलाई सघाएर गरेकाछन । त्यसको लागि नेपाली जनता पुराना दलहरुलाई काहिले पनि माफी दिने छैनन् र उहाँहरु सदाकालको लागि नेपालको इतिहासको पानामा कलंकित भएर नै बस्नु पर्ने हुन्छ ।
नयाँ दलहरुले नेपालको संबिधान २०७२ मा व्यापक संसोधन गरी राजतंत्र र वैदिक सनातनी धर्मलाई पुरानै अवस्थामा फर्काउनु पर्ने हुन्छ । पुराना दलहरुले आफ्ना राजनीतिक सहयोगीहरु र कार्यकर्ताहरुलाई जागिर खुवाउनको लागि बनाईराखेका सबै गलगाँड सरकारी संस्थाहरुलाई खोजी खोजी खारेज गरी हाल्नु पर्छ । ढिलोढालो र अनाकानी गर्ने छुट नेपाली जनताले नयाँ दलहरुलाई दिएका छैनन् । बिदेशी गैरसरकारी संस्थाहरुले मिलेर पुराना दलहरुको संबिधान सभाको नाममा बनाएको नेपालको संबिधान २०७२ नेपालको राजनीतिमा बिदेशीले गरेको हष्तक्षेपको जिताजाग्दा सवुत हो । यसलाई बदल्न वा पुनर लेखन गर्न जरुरी छ किनकि यसमा नेपालको इतिहास र मौलिकतालाई समेटिएको छैन । पुरानो दलहरुका शीर्ष नेताहरु बिदेशीको दलालीवृत्तिबाट पीडित भएकाले स्वतंत्र भएर सोच्नै नसक्ने अवस्थामा छन । नेपालको बिकास लक्ष समृद्ध नेपाल र सुखी नेपाली भएपनि दलहरुले हचुवाको भरमा बनाएका परियोजनाहरु उक्त बिकास लक्ष सित जोडिएर कहिले आउन सकेन ।
बिदेशीहरु र बिदेशी बैंकहरुले बनाएका परियोजनाहरु नेपालको आयात व्यापार सित जोडिएका मात्रै भएकाले त्यस्ता परियोजनाहरुबाट नेपालको बिकास लक्ष पुरा हुने कुरै भएन । नेपाल राष्ट्रलाई आर्थिक हिसाबले कहिले पनि स्वतंत्र नहुने अवस्थामा पुराना दलहरुले ३५ बर्षे आफ्नो कुशासन कालमा नेपाल राष्ट्रलाई पुर्याएकाछन । नीति र शिद्धान्त एउटा र अभ्यास वेग्लै गर्दै हिडेका पुरानो दलहरुले नेपाल राष्ट्रलाई बिदेशीको ऋणमा संधै भरी डुबी बस्ने राम्रै सित व्यवस्था मिलाएकाछन । नयाँ दलहरुको लागि नेपाल राष्ट्रको आर्थिक अवस्थालाई पुनस् सही मार्गमा ल्याउन निकै कठिन छ तैपनि उचित प्रयास गरेमा वा भएमा आगामि केही बर्ष भित्र सुधार्न सकिन्छ । राष्ट्रको चालु खर्च घटाएर नै अप्रत्येक्ष रुपले राष्टको आम्दानी वा बचत बढाउन सकिने छ । सरकारी उद्योगहरुको बिकासमा जोड लगाएर एकातिर स्वादेशमा नै रोजगारी बढाउन सकिन्छ भने अर्को तिर स्वादेशी उत्पादन बढाएर आयात व्यापार घटाउन सकिन्छ । यसरी पुनस् नेपाललाई पहिलेको जस्तै आत्मनिर्भर र स्वावलम्बी मुलुकमा रुपान्तरण गर्न सकिन्छ । रास्वपा सरकारले नेपाल राष्ट्रको गौरव र नेपाली जनताको आत्मसम्मानलाई यसरी नै बढाउदै लाने र जीवितै राख्नेछन भन्ने कामना नेपाली जनताले गरेकाछन जुन कुरा आत्मसम्मान केही नभएका, बिदेशीको प्रभावमा परेका, धर्मको चेस्टा नभएका, नेपालको इतिहास, संस्कार, परम्परा र मौलिकता नबुझेका पुराना दलहरुबाट कहिले पनि संभव छैन ।
