काठमाडौं । सुडानको विद्रोही संगठन सुडान मुक्ति सेनाले देशको पश्चिमी भागमा पहिरो जाँदा कम्तिमा एक हजार जनाको मृत्यु भएको बताएको छ ।
संगठनका अनुसार, लगातार धेरै दिनसम्म परेको भारी वर्षाका कारण अगस्ट ३१ मा यो पहिरो गएको थियो । यसमा तारासिन गाउँको ठूलो भाग नष्ट भएको थियो र एक जना मात्र बाँचेको बताइएको छ । संगठनले संयुक्त राष्ट्र संघ, अन्य क्षेत्रीय र अन्तर्राष्ट्रिय संस्थाहरूलाई मानवीय सहयोगको लागि अपील गरेको छ ।
पहिरोको घटना भएको क्षेत्र सुडान मुक्ति आन्दोलनरसेनाद्वारा नियन्त्रित छ । यो संगठन सुडान सेनासँगै अर्धसैनिक र्यापिड सपोर्ट फोर्स (आरएसएफ) विरुद्ध लडिरहेको छ । यस युद्धका कारण उत्तरी डार्फर राज्यका धेरै बासिन्दाहरूले मारा पर्वत क्षेत्रमा शरण लिएका थिए । अप्रिल २०२३ मा सुरु भएको सुडानको सेना र आरएसएफबीचको गृहयुद्धले देशलाई अनिकालको छेउमा पुर्याएको छ र पश्चिमी डार्फर क्षेत्रमा नरसंहारको आरोप लागेको छ ।
गृहयुद्धबाट मृत्यु हुनेको संख्याको अनुमान फरक–फरक छ, तर एक अमेरिकी अधिकारीले गत वर्ष अनुमान गरेका थिए । सुडानमा २०२३ देखि एक दशमलव पाँच लाख मानिसहरू मारिएका छन् भने लगभग एक करोड २० लाख मानिसहरू आफ्नो घर छोड्न बाध्य भएका छन् ।
