विद्यार्थीलाई ‘विधि पढाउने’ नेपाल ल क्याम्पसले त्यसैको उल्लंघन गरेको छ।
त्रिभूवन विश्वविद्यालय अन्तर्गत सञ्चालित देशकै पुरानो ल क्याम्पस विधि नाघ्न पनि उम्दा देखिएको हो। अरु कुनै विषयमा स्नातकसम्मको अध्ययन पूरा गरेर एलएलबी भर्नाका लागि तीन वर्षअघि फारम भरेका विद्यार्थीका लागि बल्ल बिहीबार मात्रै प्रथम वर्षको भर्नाका लागि प्रवेश परीक्षा तोकेको छ।
क्याम्पसले २०७५र७६ मै प्रथम वर्षको भर्ना गरेर अध्यापन सुरु गरेको भए यो वर्ष विद्यार्थी एलएलबी सकेर क्याम्पस छोड्ने तरखरमा हुन्थ्यो। तर नेपाल ल क्याम्पस प्रदर्शनीमार्ग काठमाडौँमा एलएलबी पढ्न ६ सय मात्र कोटा निर्धारण भएको छ । पहिलो वर्षमा पढ्न प्रवेश परीक्षा पनि उत्तिर्ण गर्नुपर्ने भएको छ। क्याम्पसले सूचना जारी गर्दै निकालेर प्रवेश परीक्षा फारम भरिसकेका विद्यार्थीको प्रवेश परीक्षाको कार्यतालिका निकालेको छ।
जसअनुसार माघ १७ गते शनिबार दिउँसो १ बजेदेखि ४ बजेसम्म प्रवेश परीक्षा हुने क्याम्पसले जनाएको छ। परीक्षा केन्द्र पनि तोकिसकिएको छ। नेपाल ल क्याम्पस प्रदर्शनीमार्ग, रत्नराज्यलक्ष्मी क्याम्पस प्रदर्शनीमार्ग, शंकरदेव क्याम्पस पुतलीसडक र महेन्द्ररत्न क्याम्पस ताहाचलमा परीक्षा केन्द्र तोकिएको छ।
क्याम्पसले शैक्षिक वर्ष २०७५र०७६ को एलएलबी पहिलो वर्षका पढ्न प्रवेश परीक्षा उत्तिर्ण गर्नुपर्ने भनेको छ। एलएलबी तह प्रथम वर्षमा नेपाल ल क्याम्पसका लागि समावेशी कोटासहित विद्यार्थी सिट संख्या ६ सय निर्धारण भई आएकोले उक्त संख्यामा भर्नाका लागि प्रवेश परीक्षा लिई उत्तिर्ण विद्यार्थीलाई भर्ना लिनु भनी निर्देशन बमोजिम तीन वर्षे एलएलबी पहिलो वर्षका लागि प्रवेश परीक्षा फारम भरेका विद्यार्थीले प्रवेश परीक्षा दिनुपर्ने,’ सूचनामा भनिएको छ।
