काठमाडौं । विभिन्न पेसामा आवद्व ६ जना महिलाहरुको समूहले सोमबार अन्तरिक्षको यात्रा गर्ने भएका छन् ।
पप गायिका, पत्रकार, वैज्ञानिक र फिल्म निर्माता लगायत विभिन्न क्षेत्रका ६ जना महिलाहरूको समूहले जेफ बेजोसको अन्तरिक्ष कम्पनी ब्लू ओरिजिनले ‘न्यू शेपर्ड रकेट’ मार्फत अन्तरिक्षमा यात्रा गर्ने भएका छन् । महिलाहरूको सम्पूर्ण टोली अन्तरिक्षमा यात्रा गरेको यो पहिलो पटक हो।
ब्लू ओरिजिन यात्रामा पप गायिका केटी पेरी, पत्रकार गेल किङ, नागरिक अधिकार वकिल अमान्डा इन्गुएन, पूर्व नासा रकेट वैज्ञानिक आइशा बोवे र फिल्म निर्माता करिन फ्लिन समावेश छन्। उनीसँग छैटौँ महिला, लरेन सान्चेज पनि सामेल हुनेछिन्, जसले समूहको नेतृत्व गर्नेछिन् । उनी जेफ बेजोसकी साथी हुन्।
यी सबै महिलाहरूले पृथ्वी र अन्तरिक्ष बिचको काल्पनिक सीमा, कर्मन रेखा पार गर्नेछन् जुन पृथ्वीको वायुमण्डलबाट धेरै टाढा छ। यी छ जना महिलाहरूले न्यू शेपर्ड–३१ नामक यस मिसनमा ब्लू ओरिजिनको न्यू शेपर्ड रकेटमा यात्रा गर्नेछन्। यसमा रहेको अन्तरिक्षयान पूर्ण रूपमा स्वचालित रूपमा सञ्चालन हुन सक्छ। यसको अर्थ अन्तरिक्षयान भित्र यसलाई सञ्चालन गर्ने कोही पनि हुनेछैन।
यो यात्रा लगभग ११ मिनेटको हुनेछ। उनले कार्मन सीमामा केही मिनेटको लागि गुरुत्वाकर्षण बिना भारहीनताको अनुभव गर्नेछिन्। यी सबै महिलाहरूले अन्तरिक्षबाट पृथ्वीको शानदार दृश्यको आनन्द लिनेछन् र त्यसपछि पृथ्वीतर्फ आफ्नो फिर्ती यात्रा सुरु गर्नेछन्।
