काठमाडौं । जारी इण्डियन प्रिमियर लिग (आइपिएल) अन्तर्गत आज दुई खेल हुँदैछन् ।
आज पहिलो खेल राजस्थान रोयल्स र पञ्जाव किंग्सबीच हुँदैछ भने दोस्रो खेल दिल्ली क्यापिटल्स र गुजरात टाइटन्सबीच हुँदैछ । नेपाली समय अनुसार अपराहन्न ३ः४५ बजे जयपुरमा शुरु हुने खेलमा राजस्थान रोयल्स र पञ्जाव किंग्स खेल्दैछन् । जारी आइपिएलमा राजस्थान रोयल्स प्लेअफको दौडबाट बाहिरिएको छ भने पञ्जाव किंग्स प्लेअफको दौडमा रहेको छ । राजस्थान रोयल्सको १२ खेलमा केवल ६ अंक रहेको छ र अंक तालिकामा नवौं स्थानमा रहेको छ । त्यसैगरी पञ्जाव किंग्सको ११ खेलमा १५ अंक रहेको छ र तेस्रो स्थानमा रहेको छ ।
यस सिजनमा यसअघि अप्रिल ५ मा भएको दुबैबीचको खेलमा राजस्थान रोयल्स ५० रनले विजयी भएको थियो । त्यस्तै आज दोस्रो खेल दिल्ली क्यापिटल्स र गुजरातबीच दिल्लीमा नेपाली समय अनुसार राति ७ः४५ बजेदेखि खेल शुरु हुने भएको छ । ११ खेलमा १३ अंक हासिल गर्दै दिल्ली प्लेअफको दौडमा कायम रहेको छ । त्यस्तै गुजरात भने ११ खेलमा १६ अंक हासिल गर्दै अंक तालिकाको शिर्ष स्थानमा रहेको छ । आजको जित दुवैका लागि प्लेअफको दौडमा महत्वपूर्ण हुने छ ।
यस सिजनमा यसअघि दुवैबीच अप्रिल १९ मा भएको खेलमा गुजरातले ७ विकेटको जित हासिल गरेको थियो ।
