काठमाडौं । सन् २०२६ को विश्वकपमा कोलम्बिया, उरुग्वे र पराग्वे छनोट भएका छन्।
बिहीबारको दक्षिण अमेरिकी छनोट खेलबाट तीन देश छनोट भएका हुन्। छनोट अघिको अन्तिम खेलमा उरुग्वे र कोलम्बियाले ३–० को जित निकाल्दा पराग्वेले गोलरहित बराबरी खेलेको हो। विश्वकप छनोटमा अर्जेन्टिना, ब्राजिल र इक्वेडर यसअघि नै छनोट भइसकेका छन्। पेरु भने विश्वकपको दौडबाट बाहिरिएको छ। गएरातिको खेलमा उरुग्वेसँग पराजित भएसँगै विश्वकपबाट बाहिरिएको हो।
गएरातिको खेलमा कोलम्बियाले बोलिभियाविरुद्ध जित निकाल्दै विश्वकपमा स्थान बनाएको हो।
