काठमाडौं । आइएमई खल्ती लिमिटेडको प्रमुख कार्यकारी अधिकृत (सिइओ)मा प्रवीण रेग्मी नियुक्त भएका छन् । आइएमई डिजिटल सोलुसन र खल्ती गाभिएर पछि आइएमई खल्तीले सिइओका रूपमा प्रवीण रेग्मीलाई नियुक्त गरेको हो ।
सञ्चालक समितिको ११औं बैठकले रेग्मीलाई आगामी चार वर्षका लागि नियुक्त गरेको छ । यसअघि आइएमई डिजिटल सोलुसनको सिइओका जिम्मेवारीमा काम गरेका रेग्मी मर्जरपश्चात् आइएमई खल्तीको सञ्चालक समिति सदस्यका रूपमा थिए । रेग्मीसँग फिनटेक, बैंकिङ तथा डिजिटल ट्रान्सफर्मेसनको क्षेत्रमा डेढ दशकभन्दा बढी समय काम गरेको अनुभव छ ।
