काठमाडौं । च्याट जीपीटीजस्तै चीनले एआई बट डीपसीक लञ्चले अमेरिकी सूचना प्रविधि कम्पनीमा खलबली मचाइरहेको छ ।
कम लागतमा तयार गरिएको यो एआई बट १० जनवरीमा डीपसीकलाई पूर्वी चीनको शहर हाङ्जोमा अवस्थित एक स्टार्टअप कम्पनीले तयार गरेको हो । यसको सबैभन्दा ठूलो झड्का दिग्गज चिप निर्माता कम्पनी एनभिडियालाई लागेको छ । यो कम्पनीको शेयरमा गिरावट आउँदा पाँच सय अर्ब डलरभन्दा बढी घाटा व्यहोर्नु परेको बीबीसीले जनाएको छ ।
डीपसीक लञ्चका कारण अमेरिकामा मात्र नभइ, जापान, दक्षिण कोरिया र ताइवानको शेयर बजारमा पनि गिरावट आएको अन्तर्राष्ट्रिय सञ्चार माध्यमहरुले उल्लेख गरेका छन् । १० जनवरीमा लञ्च भएको डीपसीक यति धेरै डाउनलोड भएसँगै यसले च्याट जीपीटीलाई पनि पछि पारेको छ ।
समाचार एजेन्सी रोयटर्सको रिपोर्ट अनुसार डीपसीक-भीथ्री मोडेललाई एनभिडियाको एच ८ सय चिप्सको उपयोग गर्नका लागि अनुसन्धान दातालाई तालिम दिइएको थियो, जसको लागत ६ मिलियन डलरभन्दा पनि कम थियो ।
डेभलपर्सको दावी अनुसार डीपसीक-भी थ्री मोडल अन्य ओपनसोर्स मोडलभन्दा उत्कृष्ट छ । अमेरिकी राष्ट्रपति जो बाइडेनले अमेरिकामा निर्मित चिप्सलाई चीनसम्म पुग्न रोक लगाएपछि सन् २०२१ मा डीपसीक एआई बट बनाउन सुरु गरिएको थियो ।
यसमा मिलेको सफलतालाई आर्टिफिसियल इन्टेलिजेन्स (एआई)को होडमा चीनको ठूलो उपलब्धि मानिएको छ । कतिपयले यसले अमेरिकालाई चुनौति थपेको विश्लेषण पनि गरिरहेका छन् ।
