काठमाडौं । आवासीय चिकित्सकहरूले न्यूनतम पारिश्रमिक सरकारी सरह कार्यान्वयन गर्न माग गरेका छन् ।
स्वास्थ्यकर्मीका लागि सुरक्षित कार्यस्थल संघर्ष समितिले २४ घण्टाभित्र नियम लागू गर्न मंगलबार एक विज्ञप्ति जारी गर्दै यस्तो चेतावनी दिएको हो । इन्टर्न तथा एमडी, एमडीएस, एमडी, एमसीएच रेजिडेन्टहरूको पारिश्रमिक न्यूनतम सकारी सरह कायम गर्न माग गर्दै, अन्यथा अत्यावश्यकबाहेक सम्पूर्ण सेवाहरू बहिस्कार गर्ने समेत चेतावनी दिएका छन् ।
स्वास्थ्य तथा जनसंख्या मन्त्री तथा शिक्षा विज्ञान तथा प्रविधिमन्त्रीद्वारा संयुक्त रुपमा गरिएको भन्दै सारा नेपाली डाक्टरहरुको अपमान हुने खालको सिफारिस २४ घण्टाभित्र सच्याइ सम्पूर्ण इन्टर्न तथा एमडी, एमडीएस, एमडी, एमसीएच रेजिडेन्टहरूको पारिश्रमिक न्यूनतम सरकारी सरह कायम गर्न र सम्पूर्ण पीजी कार्यक्रमहरू पूर्णतया शुल्क रहित र बोन्ड रहित बनाउन माग गरेका छन् ।
यदि त्यसो नगरेको खण्डमा २४ घण्टापछि अत्यावश्यक बाहेकका सम्पूर्ण सेवाहरू बन्द गर्ने जारी विज्ञप्तिमा उल्लेख गरिएको छ ।
