काठमाडौं । प्रतिनिधि सभाको बैठकमा राष्ट्रिय स्वतन्त्र पार्टी (रास्वपा)का सांसदहरुले गरेको नाराबाजीबीच सभामुख देवराज घिमिरेले बैठक नियमित सञ्चालन गरेका छन् ।
सभामुख घिमिरेले बैठक शुरु भएको जानकारी गराएलगत्तै रास्वपा सांसदहरुले आफ्नो ठाउँबाट उठेर भिजिट भिसा प्रकरणमा गृहमन्त्री रमेश लेखकको राजीनामा र छानबिन समिति गठनको माग गर्दै संसदमा आजपनि विरोध गरेका हुन् । तर, सभामुख घिमिरेले त्यसको वास्ता नगरी प्रतिनिधि सभाको बैठक अगाडि बढाएका छन् । आज बसेको बैठकमा विभिन्न मन्त्रालयगत बजेटमाथिको छलफल गर्ने र छलफलका क्रममा उठेका प्रश्नको जवाफ र स्पष्टीकरण दिने मन्त्रीहरुको कार्यसूची रहेको छ ।
