काठमाडौं। स्पेन भ्रमणमा रहेका प्रधानमन्त्री केपी शर्मा ओलीले स्पेनिस क्लब रियल म्याड्रिडको स्टेडियम सान्टियागो बर्नाबेउको अवलोकन भ्रमण गरेका छन् ।
प्रधानमन्त्री ओलीलाई क्लवका अन्तर्राष्ट्रिय निर्देशक पेद्रो मार्टिन दे मिगेलले स्वागतससिहत अत्याधुनिक रंगशालाको भ्रमण गराएका थिए । संयुक्त राष्ट्रसङ्घीय ‘विकासका लागि वित्त’सम्बन्धी चौथो अन्तरार्राष्ट्रिय सम्मेलनका कार्यक्रममा भाग लिएर प्रधानमन्त्री ओली हाल स्पेनको म्याड्रिडमा रहेका छन् ।
प्रधानमन्त्री ओली आजै राती पौने ११ बजे नेपाल फर्किने क्रममा दोहाको लागि प्रस्थान गर्ने र असार २० गते दिउँसो काठमाडौंमा अवतरण गर्ने कार्य तालिका रहेको छ ।
