काठमाडौं । सुदूरपश्चिम प्रदेशमा गौरा पर्वको अवसरमा दुई दिन सार्वजनिक बिदा हुने भएको छ ।
नेपाल सरकारले गौरा पर्वको मुख्य दिन अठ्वाली–दुर्वाष्टमी भदौ १५ मा सार्वजनिक बिदा दिने निर्णय गरेसँगै प्रदेश सरकारले भदौ १६ गते थप एक दिन बिदा दिएको हो । यसअनुसार प्रदेशमा आईतबार र सोमबार गरीदुई दिन लगातार सार्वजनिक बिदा हुने भएको छ ।
प्रदेश सरकारको राजपत्रमा भदौ १६ गतेको बिदा स्पष्ट उल्लेख गरिएको छ । गौरा पर्व बिहीबारदेखि विभिन्न ठाउँमा धूमधामका साथ मनाइँदै छ ।
