ढिलो होला तर गलत हुन दिन्न

अनन्त बहादुर गुरुङ

२०८३ साल श्रावण२७ गते बुधवारको तामाकोशी सन्देश राष्ट्रिय सप्ताहिकमा प्रकाशित
प्रधानमंत्री बालेनले ढिलो होला तर गलत हुन दिन्न भनी आफ्ना सबै समर्थकहरुलाई आस्वास्थ पारेकाछन । यहि सन्दर्भ राष्ट्रिय स्वतंत्र पार्टीको अध्यक्ष रबि लामिछानेले पनि बालेन सरकारले यदि बाटो बिराएको खन्डमा सरकारको कान समाएर सहीबाटोमा ल्याउने काम पार्टीले गर्ने कुरा बताएकाछन । अहिले सम्म बालेन सरकारको कामहरुलाई नेपाली जनताले राम्रो मानेकाछन । बर्षौ देखि घाटामा चलेका सरकारी संस्थानहरु र उद्योगहरुले नाफा कमाउन थालेकाछन । उद्योगहरु र संस्थानहरुले नाफा कमाउनको साथ साथ ऋण पनि चुक्ता गर्दै लगेकाछन । यस्तो चमत्कार कसरी भयो किनकि संस्थानहरु र उद्योगहरुमा बालेन सरकारले नेतृत्व बदलेका छैनन् ।

पुरानै व्यवस्थापनलाई इमान्दार पूर्वक काम गर्नको लागि प्रेरित मात्रै गर्दै आएकाछन । अहिले उद्योगहरु र संस्थानहरु माथि मंत्रीको मान्छेहरुलाई जागिर खुवाउने दबाब छैन । पहिले देखि चलीरहेका ट्रेड युनियनलाई मात्रै बालेन सरकारले खारेज गर्ने दृढता देखाएकाछन । तर सरकारको यस्तो दृढतालाई पुरानो दलहरुको उक्साईमा अदालतबाट चुनौती आएको छ । पुरानो दलहरु बिकास बिरोधी भएको हुँदा नेपालको औद्योगिक बिकासलाई बन्द गर्दै लगेर लिलाम गरी बेच्दै निजीकरण गर्ने नीति लिएकाथिए । फलस्वरुप नेपाल राष्ट्रको प्रख्यात केही उद्योहरुको अहिले नाम निशाना नै छैन । चीन सरकारले बनाई दिएको बाँसबारी छालाजुत्ता कारखानालाई पुरानो दलहरुले निजीकरण गरी नाम निशाना नै मेटाई दिएकाछन । अहिले उक्त कारखानाको महत्वपूर्ण मेसिनहरु कता पुग्यो भन्ने कुराको कुनै अत्तोपत्तो नै छन । उक्त कंपनीको घर जग्गा भने चौधरी ग्रुपका नेपाली काँग्रेसको नेता विनोद चौधरीले निजी बनाएको चाल पाएपछि त्यसलाई पुनस् नेपाल सरकारकै नाममा ल्याउने कानुनी कार्यबाही अगाडि बढेको छ । चीन सरकार कै अनुदान सहायतामा बनेको चितवनको भृकुटी कागज कारखानाको पनि हालत उस्तै छ ।

पुराना दलहरु सित साठगाँठ गरी लिलाम सकारेका माडवाडी व्यावसायीले उक्त कारखानालाई चलाउनको साटो महंगोमा कंपनीको जंगाहरु बेची पैसा कमाउने उद्देस्यले लिलाम सकारके थिए । फलस्वरुप उसले अहिले सम्म कारखाना नचलाएर जग्गा बेच्ने अनुमतिको लागि पुराना दलहरुलाई फकाउँदै बसेकाथिए । बल्ल पुरानो दलहरुको युग सकिएको र बालेन युग सुरु भएको हुँदा नेपाली जनता ढुक्क भएकाछन । सर्बोच्च अदालत वा अन्य अदालतहरुले बालेन सरकारको काममा बाँधा हालेर कामलाई ढिलो पार्न सके पनि बालेन सरकारले गलत काम हुनबाट रोकेर नै छाड्ने दृढता देखाएपछि नेपाली जनता निर्धक्क भएकाछन । सरकारी नियमावलीहरु र कानुनहरु स्वार्थ समूहको दबाबमा परि १० चोटी बदलेर भएपनि स्वार्थ समूहको हित गर्ने पुरानो दलहरुको वर्चश्व नेपालको राजनीतिबाट समाप्त भईसकेकोछ ।बालेन सरकार स्वार्थ समूहका व्यापारीहरु र व्यवसायीहरुको दबाबमा कहिले पनि पर्दैन यदि परिहाल्यो भने पनि बालेन सरकारको कान समाउनको लगि राष्ट्रिय स्वतंत्र पार्टीको अध्यक्ष रबि लामिछाने तयारीमा बसेकाछन । १२ भाई स्वार्थ समूहले बनाएको बिभिन्न दबाब समूहहरुको दबाबमा परी नीति नै बदल्ने गरी विधेयक ल्याउने ओली(देउवा सरकार इतिहास कै सबै भन्दा धेरै कलंकित नेपाल सरकार हो ।

यहि सरकारले आफ्नो आशेपासेलाई परियोजनाहरुको ठेकाहरु दिनको लागि खरिद ऐन र नियमवलीलाई एकै महिनामा १० चोटी संसोधन गरी रिकर्ड नै बनाएका थिए ।यस्ता अपराधी ओली(देउवा सरकारले नेपालमा बिकास गरी नेपाल राष्ट्रलाई समृद्ध बनाउने र नेपाली जनतालाई सुखी बनाउने देखावटी नारा सार्वजनिक गर्दै आएका थिए ।उखाने र गुखाने मिलेर नेपाल राष्ट्र र नेपाली जनतालाई के कती लुट्यो त्यसको हिसाब किताप नै छैन । बालेन सरकार सत्तामा आएपछि पुराना दलका शीर्ष नेताहरु र अन्य नेताहरुको लुट कम भएपनि बन्द नै भईसकेको छैन । ३६ बर्ष सम्म सत्तामा बसेर तयार पारेको पुरानो दलहरुको लुटको पृष्टभूमिलाई अझ पनि बालेन सरकारले निस्सक्रिय तुल्याउन सकीरहेको छैन । पुरानो दलहरुको देखाउने र चपाउने दाँत हात्तीको जस्तै फरक भएकाले सर्बोच्च अदालत वा सोभन्दा मुनीका अदालतहरुले खोजेको जस्तो सबुतहरु जुटाउन धेरै नै कठिन छ । यो हुँदा पुरानो दलका अपराधीहरुलाई बालेन सरकारले पहिचान गरी अदालतको कठघरा सम्म पुर्याएको भएपनि अदालतले खोजेको जस्तो सबुत जुटाउन नसक्दा अपराधका आरोपीहरु फटाफट छुट्दै आएकाछन ।

बालेन सरकारले सहकारीको समस्याहरु एक पछि अर्को गरी सम्हाल्दै लगेकाछन । त्यसैगरी सुकुम्बासीहरुलाई पनि फटाफट लालपूर्जा दिएर घरजग्गाको धनी बनाउँदै लगेकाछन । जुन काम पुरानो दलहरुले ३६ बर्ष लगाएर पनि गरेको थिएन सोही कामलाई बालेन सरकारले ४ महिनामा नै गरी देखाएकाछन । पुरानो दलहरु अहिले के दाबी गर्दैछन भने उहाँहरुले दिन ठिक्क पारेको लालपूर्जा अहिले बालेन सरकारले वितरण गरेको हो । यस्तो नचाहिने हावा कुरा गरी पुराना दलहरुलाई झन बदनाम तुल्याउनको लागि केहि तत्वहरु उक्त पुराना दलहरु भित्र सक्रिय भएकाछन । पहिले सुकुम्बासीहरुलाई लालपूर्ज दिनुहुन्न भनी रोक्नेहरु नै अहिले यस्तो गोलचक्कर कुरा गर्दै हिडेकाछन । बालेन सरकारले दशकौं बन्द भएर बसेका उद्योगहरु चलाएर देखाएकाछन । सोकुरा पुराना दलका नेताहरुको लागि हजम नभएको हुँदा अब उत्पादन हुने कपडाको गुणस्तरको कुरा गर्दैछन । पुरानो जमानाको मेसिनबाट बुनेको कपडा आधुनिक युग सुहाउँदो नहुने भन्दैछन ।

यस्तो कुतर्कमा उत्रिएका पुराना दलका नेताहरुलाई सम्झाउन कसैले पनि सक्दैन । सबै नेपाली जनता नेपालमा बुनेको कपडा लाउन तयार छन भने भ्रष्ट पुरानो दलका नेताहरुले आफ्नो टाउको धेरै टुखाई राख्न जरुरी छैन । यसै पनि नेपाली सेना, सशस्त्र प्रहरी र नेपाल प्रहरीको माग पुरा गर्नको लागि पनि कारखाना दिनरात चलाउनु पर्नेहुन्छ । बाँसबारी छालाजुत्ता कारखाना पुरानो दलहरुले बेचेर नखाएको भए नेपाली सेना सशस्त्र प्रहरी र नेपाल प्रहरीको बुटहरु पनि बालेन सरकारले नेपालमा नै बनाउने प्रयास गरी देखाउने थिए । नेपालको औद्योगिक बिकास गर्न नदिने पुरानो दलहरु नै हुन । सक्रिय राजतंत्र र पञ्चायत कालमा स्थापना गरिएका सबै उद्योगहरु बन्द गरी नेपालको औद्योगिक बिकासको जग भत्काउने पुराना दलहरु नै हुन । भत्काई सकेपछि त्यसलाई बनाउन सक्ने ढंग पुरानो दलहरु सित छैन । त्यसैले भताभुंगे राजाको पारा पुरानो दलहरुले नेपालमा ल्याउनको लागि कुनै कसर बाँकी राख्नवाट कहिले पनि चुकेन । चोरलाई चौतारो र साधुलाई सुली चढाउने काममा पुरानो दलहरु समान पारंगत अरु कोही पनि छैनन् । पुरानो दलहरुले नेपाल राष्ट्र र नेपाली जनताको ठुलो बिनास गरी सकेकाछन ।

बालेन सरकारलाई पुरानो दलहरुले बिगारेको नेपाल राष्ट्रलाई सम्हाल्न हम्मे परीरहेकोछ । पुरानो दलहरुले बिकासको बाहानामा धेरै बिदेशी ऋणहरु राष्ट्रको नाममा लिएर भ्रष्टाचार गरी खाएको हुँदा नेपाल राष्ट्र र नेपाली जनता यतिबेला ऋणमा डुबेको छ । उक्त अवस्थाबाट नेपाल राष्ट्र र नेपाली जनतालाई उकास्नको निम्ति बालेन सरकारले न्वारान देखिको बल झिकेर प्रयास गर्दैछन तर सफल हुनको लागि समय लाग्नेछ । त्यहि भएको हुनाले बालेन सरकारले ढिलो भएपनि गल्त हुने छैन भनि नेपाली जनतालाई आस्वास्थ पार्दैछन । नेपाली जनताको लागि यो धेरै मुस्किलको समय छ किनकि पुरानो दलहरुले यो त्यो बाहानामा बालेन सरकारलाई राम्रो काम गर्नबाट रोकी राखेकाछन । आफु पनि राम्रो काम नगर्ने र अरुलाई पनि राम्रो काम गर्न नदिने रोगबाट पुरानोदलहरु ग्रसित छन ।

स्थानिय चुनाव जित्नको लागि पुरानो दलहरुले बालेन सरकारलाई फटाफट काम गर्नवाट रोकी राखेकाछन । बालेन सरकारले राम्रो काम गरी देखाउन सकेन भने नेपाली जनताले राष्ट्रिय स्वतंत्र पार्टीलाई भोट हाल्दैन भन्ने पुरानो दलहरुले ठानेकाछन । तर गत आम चुनावमा घण्टीमा भोट हालेकाहरुले स्थानिय चुनावमा पनि घण्टीमा नै भोट हाल्ने कुरामा सवै विश्वास्थ रहेकाछन । बालेन सरकारलाई पुरानो दलहरुले काम गर्न दिईराखेको छैन भन्ने कुरा नेपाली जनताले बुझेको हुँदा फेरि पनि घण्टीमा नै भोट जाने कुरा निश्चित नै छ ।पुरानो दलहरुको लागि सबै भन्दा राम्रो चुप लागेर बस्नुमा नै हुन्छ । बालेन सरकारलाई भरे ढाल्ने भोली ढाल्ने कुरा गर्नु उहाँहरुको लागि सुहाउने कुरा होईन । चुनाव हारेको स्वीकार गर्न नसक्ने पुरानो दलहरु लोकतंत्र कै बिरोधी हुन किनकि ५ बर्षको लागि चुनाव जितेको राष्ट्रिय स्वतंत्र पार्टीलाई यसरी धम्काउनु पनि गैरकानुनी नै हो । पुरानो दलहरुले सत्तामा बसेर गरेका भ्रष्टाचारका डोबहरु मेटिएका छैनन् । त्यहि डोबलाई पहिलाउँदै एकदिन भ्रष्टाचारी पुराना दलका शीर्ष नेताहरु र अन्य नेताहरुलाई समाउन बालेन सरकार सफल हुनेछ । यसै पनि कानुनको हात लामो हुने भएकाले भ्रष्टाचारीहरु र अपराधीहरु सम्म पुग्ने र ढिलो हुँदैमा उम्किन नसक्ने प्रत्याभूति बालेन सरकारका प्रधानमंत्री बालेनले दिएकाछन । तसर्थ ढिलो भएपनि पुरानो दलका भ्रष्टहरु र अपराधीहरुलाई बालेन सरकारले समाएर छाड्ने र नेपाली जनतालाई न्याय दिने अठोट देखाएकाछन ।