काठमाडौं । न्युजिल्याण्डका उपप्रधानमन्त्री तथा विदेशमन्त्री विन्स्टन पिटर्स नेपालको दुईदिने औपचारिक भ्रमणमा नेपाल आउँदै छन् ।
बुधबार अपराह्न काठमाडौं आएलगत्तै उनले राष्ट्रपति रामचन्द्र पौडेल र प्रधानमन्त्री केपी शर्मा ओलीसँग छुट्टाछुट्टै शिष्टाचार भेट गर्ने कार्यक्रम रहेको परराष्ट्र मन्त्रालयले जनाएको हो । त्यसैगरी, न्युजिल्याण्डका उपप्रधानमन्त्रीले आजै साँझ परराष्ट्रमन्त्री डा। आरजु राणा देउवासँग द्विपक्षीय भेटवार्ता गर्नेछन् ।
भेटवार्तापछि संयुक्त पत्रकार सम्मेलन हुने र पिटर्सको सम्मानमा परराष्ट्रमन्त्री डा.राणाले रात्रिभोजको आयोजना गर्ने कार्यक्रम रहेको छ ।
