काठमाडौं । अमेरिकाको लस एन्जलसमा भएको विरोध प्रदर्शनले हिंसात्मक रुप लिएको छ ।
प्रदर्शन हिंसात्मक बनेपछि राष्ट्रपति डोनाल्ड ट्रम्पले दुई हजारभन्दा बढी राष्ट्रिय गार्ड तैनाथ गर्ने आदेश दिएका छन् । यी विरोध प्रदर्शनहरू अवैध आप्रवासीहरू विरुद्ध गरिएको छापा मार्नेविरुद्ध भइरहेका हुन् । क्यालिफोर्नियाको लस एन्जलस शहरको प्यारामाउन्ट क्षेत्रमा ल्याटिनो समुदायका मानिसहरू र अमेरिकी आप्रवासन एजेन्सीका अधिकारीहरू बीच झडप भएको थियो ।
त्यसपछि प्रहरीले भीडलाई तितरबितर पार्न अश्रुग्यास प्रहार गरेको थियो र लाठी प्रहार गरेको थियो । यस हप्ता हालसम्म, अमेरिकी आप्रवासन एजेन्सीको कारबाहीको क्रममा ११८ जनालाई पक्राउ गरिएको छ, जसमध्ये ४४ जना शुक्रबार मात्र पक्राउ परेका थिए ।
क्यालिफोर्नियाका गभर्नर गेभिन न्यूसमले यो कार्यलाई ‘क्रूर’ भनेर वर्णन गरेका छन् । न्यूसमले अमेरिकी राष्ट्रपति ट्रम्पसँग लगभग ४० मिनेट फोनमा कुरा गरेका थिए, तर यस कुराकानीको कुनै विवरण सार्वजनिक गरिएको छैन ।
यद्यपि, यसपछि ट्रम्पले आफ्नो ट्रथसोसियलमा लेख्दै क्यालिफोर्नियाका गभर्नर र लस एन्जलसका मेयरले आफ्नो काम गर्न नसक्ने हुन् भने संघीय सरकारले हस्तक्षेप गर्ने उल्लेख गरेका थिए ।
